غير ضحك أو مولاها ربي أو بلا ماتخمم

واحد البوليسي من دوك ديال باك صاحبي وصاني عليك تعين فمصلحة حوادث السيرأول مهمة تكلف بهامعاينةحادثة سير بين رموك وحافلة ركاب .. وجاء في المحضر الي حرره : بعد معاينتنا لحادثة السيربتاريخ كذا.. على الساعة كذا.. ارتطمت حافلة على جناح السلامة مع رموك خوك انا عين الحسود فيها عود.. إلخ غير ضحك أو مولاها ربي أو بلا ماتخمم 94500371

غير ضحك أو مولاها ربي أو بلا ماتخمم 94500371

لشيطان لعنه الله جمع الباكطاج ديالو .. والأدوات وكل مكان تيصلح ليه في إغواء الناس.. مبقاش حامل بنادم .. ناوي يحركٌ.. ساقو ليه الخبار تجمعوا وجاو عنده : الله ياودي مبقيناش فيك ؟ مبغاش يتكلم .. وتا غي كٌول غي شنو درنا ليك ؟ ياك معمرنا معصينا ليك أمر.. من يدك اليمنى ليدك اليسرى داير مابغيتي.. إيوا هاا نت غادي تمشي وتخلينا.. محشوماش عليك.. وراك متبدل صاحبك غير بما احسن منو، وسمح لينا دبا نسولوك وجاوبنا متبقاش ساكت
فين غادي تلقى بحالنا يلاه؟
الشيطان : واييه .. مخلصين .. وتخرجتو من مدرستي أكبر كذابة وشلاهبية في العالم.. .. شحال قلت ليكم نافقو ونافقتو.. تلونو وتلونتو.. رسمت ليكم خطط باش تسرقوا علمتكم التسنطيح والجبهة .. وريتكم التخريجات .. بينت ليكم منين دخلوا ومنين تخرجو .. أي حاجة فيها خرجان الطريق درتوها،وكٌاع الي بعقلو خرجتوه ليه.. ونعم الأتباع ....زيدو عليها شحال لقيت ليكم السلوكة ولا واحد منكم قال لي أعوذ بالله مني أنا.. وعندكوووم الصح وخا نمشي فين ما مشيت ملقاش بحالكم..ولكن أحبائي ماااااا فيكم ثقة .. وليت خايف على راسي منكم مثلا: ياك فرمضان تنكون مسلسل واللعنة تتجي تالعندي بسببكم.. مكاين مشكل تندوزها بجميرات ديال العافية.. والحاجة الي مبغاتش تفهم لي مزيان هي : مني تنزور شي وحدين في مقرات عملهم - والعداو أعباد الله هادو ساعدتهم في سرقة مال الشعب وبقيت معاهم تهربوه لبرا - تلقاهم معلقين فوق ريوسهم
هذا من فضل ربي .. والحماق هذا.. والواحد يخاف على راسو أو لا مايخافش وكٌولو لي مالكم سكتو؟ غير ضحك أو مولاها ربي أو بلا ماتخمم 94500371

دري ذخل تيجري للدار نيشان للثلاجة لقاها عامرة بالفواكه .. كفح دانون فمو وسرط جوج بنانات ومسح فمو.. عاد عيط لأمه
ماما ماما عندنا شي واحد مريض في الدار متكٌوليش لي..
غير ضحك أو مولاها ربي أو بلا ماتخمم 94500371

واحد البوجادي حمارو طلع ليه الدم وهو يطلقوا جرى عليه ..واحد جوج عساكرية تيسكرو في الطبيعة نشطو مزيان وهي تبان ليهم في الحمار ..لبسوه التريي والبرودكان وبقاو على الضحك..مولاه تنادم معاه الحال خرج تيقلب عليه..وهو يلقاه لابس لونيفورم -لبسة عسكرية- وهو يقول ليه
الله ياودي احنا غي ضحكنا معاك وانت مشيتي كٌاجيتي..gajiti